ಬೆಂಗಳೂರು : ರಾಜ್ಯದಲ್ಲಿ ಮತ್ತೆ ನಾಯಕತ್ವ ಬದಲಾವಣೆ ಚರ್ಚೆ ಜೋರಾಗಿದ್ದು, ಅತ್ತ ದೆಹಲಿಗೆ ಹಾರಿರುವ ಸಿಎಂ ಸಿದ್ದರಾಮಯ್ಯ ಇಂದು ರಾಹುಲ್ ಗಾಂಧಿಯನ್ನ ಭೇಟಿ ಮಾಡಲಿದ್ದಾರೆ. ಅಂತೂ ಇಂತೂ ಕುರ್ಚಿ ಕಿತ್ತಾಟ ಕ್ಲೈಮ್ಯಾಕ್ಸ್ ಹಂತ ತಲುಪಿದ್ದು, ಗೊಂದಲಕ್ಕೆ ಕಾಂಗ್ರೆಸ್ ಹೈಕಮಾಂಡ್ ತೆರೆ ಎಳೆಯಲು ಮುಂದಾಗಿದೆ ಎನ್ನಲಾಗಿದೆ.
ಇತ್ತ ಸಿಎಂ ಬದಲಾವಣೆ ವಿಚಾರದ ಬಗ್ಗೆ ಡಿಸಿಎಂ ಡಿಕೆ ಶಿವಕುಮಾರ್ ಸೈಲೆಂಟ್ ಮಂತ್ರ ಜಪಿಸುತ್ತಿದ್ದು, ಅಡ್ಡಗೋಡೆ ಮೇಲೆ ದೀಪ ಇಟ್ಟಂತೆ ಹೇಳಿಕೆಗಳನ್ನ ನೀಡುತ್ತಿದ್ದಾರೆ. ಈ ಎಲ್ಲಾ ಬೆಳವಣಿಗೆಯ ನಡುವೆ ಡಿಕೆ ಸುರೇಶ್ ಪೋಸ್ಟ್ ಶೇರ್ ಮಾಡಿದ್ದು, ಕಾಯುವಿಕೆಯ ಮೊರೆ ಹೋದಂತೆ ಕಾಣುತ್ತಿದೆ ಎಂದು ಹೇಳಲಾಗುತ್ತಿದೆ.
ಇನ್ನೂ ಡಿಸಿಎಂ ಡಿಕೆ ಶಿವಕುಮಾರ್ ಅವರನ್ನು ಸಿಎಂ ಕುರ್ಚಿಯಲ್ಲಿ ನೋಡ್ಬೇಕು ಎನ್ನುವ ಆಸೆ ಸಹೋದರ ಹಾಗೂ ಮಾಜಿ ಡಿಕೆ ಸುರೇಶ್ ಅವರಲ್ಲೇ ಹೆಚ್ಚಿದ್ದು, ಅಣ್ಣನಿಗೆ ಬಲವಾಗಿ ನಿಂತಿರುವ ಸುರೇಶ್ ನಾನಾ ತಂತ್ರ ರೂಪಿಸುತ್ತಿದ್ದಾರೆ. ಅಂದು ಕೊಟ್ಟ ಮಾತು ನೆನಪಿಸುವ ಮಾತಾಡಿದ ಡಿಕೆ ಸುರೇಶ್ ಇದೀಗ ತಾಳ್ಮೆಯ ಜಪ ಮಾಡ್ತಿದ್ದಾರೆ.
ಸಹೋದರನಿಗೆ ಇನ್ನೂ ಸಿಎಂ ಸ್ಥಾನ ಒಲಿಯದ ವಿಚಾರಕ್ಕೆ ಸಂಬಂಧಿಸಿದಂತೆ ಡಿಕೆ ಸುರೇಶ್ ತಾಳ್ಮೆಯ ಮಂತ್ರ ಜಪಿಸುತ್ತಿದ್ದು, ಯಶಸ್ಸು ಪಡೆಯಲು ತಾಳ್ಮೆ ಅತ್ಯಗತ್ಯ ಎಂದು ಡಿಕೆ ಸುರೇಶ್ ಪೋಸ್ಟ್ ಮಾಡಿದ್ದಾರೆ.
ಈ ಬಗ್ಗೆ ತಮ್ಮ ಎಕ್ಸ್ ಖಾತೆಯಲ್ಲಿ ಮತ್ತೆ ಡಿಕೆ ಸುರೇಶ್ ಮಾರ್ಮಿಕ ಸಂದೇಶ ನೀಡಿದ್ದು, ತಮ್ಮ ಅಣ್ಣನನ್ನು ಮುಖ್ಯಮಂತ್ರಿ ಮಾಡುವ ಗುರಿ ಹೊಂದಿರುವ ಡಿಕೆ ಸುರೇಶ್, ಇನ್ನೂ ಸಮಯ ಒದಗಿ ಬಾರದಿರುವ ಹಿನ್ನೆಲೆ ತಾಳ್ಮೆಯ ಮಾತಾನಾಡುತ್ತಿದ್ದಾರೆ. ರಾಜ್ಯದಲ್ಲಿ ನಡೆಯುತ್ತಿರುವ ಪವರ್ ಶೇರಿಂಗ್ ಗೊಂದಲ ಬಗ್ಗೆ ಹೈಕಮಾಂಡ್ ನಾಯಕರ ಜೊತೆ ಸಿಎಂ ಚರ್ಚೆ ನಡೆಸುವ ಸಾಧ್ಯತೆ ಇದ್ದು, ಕುರ್ಚಿ ಗುದ್ದಾಟಕ್ಕೆ ತೆರೆ ಬೀಳುವ ಸಂದೇಶವನ್ನ ಹೈಕಮಾಂಡ್ ನೀಡುವ ಸಾಧ್ಯತೆ ಇದೆ.
