ಮೈಸೂರು: ಚಾಮರಾಜನಗರ ಜಿಲ್ಲೆಯ ಹನೂರು ತಾಲೂಕಿನ ಬಳಿಯ ಪಚೇದೊಡ್ಡಿ ಎಂಬ ಸಣ್ಣ ಹಳ್ಳಿಯ 50 ಕ್ಕೂ ಹೆಚ್ಚು ಶಾಲಾ ಮತ್ತು ಕಾಲೇಜು ವಿದ್ಯಾರ್ಥಿಗಳಿಗೆ ಶಿಕ್ಷಣವು ಸಹಿಷ್ಣುತೆಯ ಪರೀಕ್ಷೆಯಾಗಿದೆ. ತಮ್ಮ ಊರಿಗೆ ಬಸ್ ಸಂಪರ್ಕ ಮತ್ತು ಹತ್ತಿರದ ಪಟ್ಟಣಗಳಿಗೆ ತಮ್ಮ ಗ್ರಾಮವನ್ನು ಸಂಪರ್ಕಿಸುವ ಸರಿಯಾದ ರಸ್ತೆ ಇಲ್ಲದ ಕಾರಣ, ವಿದ್ಯಾರ್ಥಿಗಳು ಪ್ರತಿದಿನ ಬರೊಬ್ಬರಿ 14 ಕಿ.ಮೀ. ಕಾಲ್ನಡಿಗೆಯಲ್ಲಿ ಹೋಗುತ್ತಿದ್ದು, ಅವರು ಅಜ್ಜಿಪುರ, ರಾಮನಪುರ ಮತ್ತು ಹನೂರಿನ ಶಾಲೆಗಳಿಗೆ 7 ಕಿ.ಮೀ. ನಡೆದುಕೊಂಡೆ ಹೋಗಬೇಕು ಮತ್ತು ಮನೆಗೆ ಮರಳಲು ಮತ್ತೆ 7 ಕಿ.ಮೀ. ನಡೆಯಬೇಕಿದೆ.
ಇನ್ನೂ ಈ ಮಾರ್ಗವು ದಟ್ಟವಾದ ಅರಣ್ಯ ಪ್ರದೇಶಗಳು ಮತ್ತು ಮಳೆಗಾಲದಲ್ಲಿ ಅಪಾಯಕಾರಿಯಾಗುವ ಅಸಮ, ಡಾಂಬರು ಹಾಕದ ಮಣ್ಣಿನ ರಸ್ತೆಗಳ ಮೂಲಕ ಹಾದುಹೋಗುಬೇಕಾಗಿದ್ದು, ಈ ಪ್ರದೇಶವು ಮಲೆ ಮಹದೇಶ್ವರ ವನ್ಯಜೀವಿ ವಿಭಾಗದ ವ್ಯಾಪ್ತಿಗೆ ಬರುವುದರಿಂದ, ಕಾಡು ಪ್ರಾಣಿಗಳನ್ನು ಎದುರಿಸುವ ಭಯ ಯಾವಾಗಲೂ ಇರುತ್ತದೆ, ಏಕೆಂದರೆ ಈ ಪ್ರದೇಶವು ಇತ್ತೀಚೆಗೆ ಹುಲಿಯ ಸಾವು ಮತ್ತು ವನ್ಯಜೀವಿಗಳ ಆಗಾಗ್ಗೆ ಚಲನೆಯನ್ನು ವರದಿ ಮಾಡಿದೆ. ಹಾಗಾಗಿ ತಮ್ಮ ಗ್ರಾಮದ ಈ ಹೀನಾಯ ಪರಿಸ್ಥಿತಿ ಕುರಿತು ಗಮನ ಹರಿಸುವಂತೆ ಗ್ರಾಮಸ್ಥರು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಮನವಿ ಮಾಡಿದ್ದಾರೆ.
ವಿಶ್ವಾಸಾರ್ಹ ಸಾರಿಗೆ ಕೊರತೆಯು ವಿದ್ಯಾರ್ಥಿಗಳನ್ನು ತಮ್ಮ ಶಿಕ್ಷಣದಿಂದ ಮುಖರಾಗುವಂತೆ ಮಾಡುತ್ತಿದ್ದು, ಸಾಕಷ್ಟು ವಿದ್ಯಾರ್ಥಿಗಳು ಇದೇ ಕಾರಣಕ್ಕೆ ಶಾಲೆ ತೊರೆಯುತ್ತಿದ್ದಾರೆ. ಇನ್ನು ಶಾಲೆಗೆ ಹೋಗುವ ವಿದ್ಯಾರ್ಥಿಗಳು ಶಾಲೆ ತಲುಪುವ ಹೊತ್ತಿಗೆ ದೀರ್ಘ ನಡಿಗೆ ಅವರನ್ನು ದಣಿದಿರುವಂತೆ ಮಾಡುತ್ತದೆ ಮತ್ತು ಅನೇಕರು ತರಗತಿಯಲ್ಲಿ ಶಿಕ್ಷಣದ ಮೇಲೆ ಗಮನಹರಿಸಲು ಕಷ್ಟಪಡುತ್ತಾರೆ ಎಂದಿದ್ದಾರೆ.
“ನಮ್ಮ ಪೋಷಕರು ಈ ವಿಷಯವನ್ನು ಅಧಿಕಾರಿಗಳ ಗಮನಕ್ಕೆ ತಂದರು, ಆದರೆ ಯಾವುದೇ ಪ್ರಯೋಜನವಾಗಲಿಲ್ಲ. ನಾವು ಈಗ ಮುಖ್ಯಮಂತ್ರಿಗಳಿಗೆ ಪತ್ರ ಬರೆದಿದ್ದೇವೆ” ಎಂದು ಗ್ರಾಮದ ವಿದ್ಯಾರ್ಥಿನಿಯೊಬ್ಬರು ತಮ್ಮ ಕೆಲವು ಸ್ನೇಹಿತರೊಂದಿಗೆ ಪತ್ರ ಬರೆದಿದ್ದಾರೆ.
ವರ್ಷಗಳಿಂದ, ವಿವಿಧ ಸಚಿವರು, ಚುನಾಯಿತ ಪ್ರತಿನಿಧಿಗಳು ಮತ್ತು ಶಿಕ್ಷಣ ಅಧಿಕಾರಿಗಳು ಪಚೇದೊಡ್ಡಿಗೆ ಭೇಟಿ ನೀಡಿ ಪರಿಹಾರದ ಭರವಸೆ ನೀಡಿದ್ದರೂ ಸಹ ರಸ್ತೆ ಸುಧಾರಣೆ ಮತ್ತು ನಿಯಮಿತ ಬಸ್ ಸೇವೆಯಂತಹ ಬೇಡಿಕೆಗಳು ಬಹಳ ಹಿಂದಿನಿಂದಲೂ ಬಾಕಿ ಉಳಿದಿವೆ ಎಂದು ತಿಳಿಸಿದ್ದಾರೆ.
