ನವದೆಹಲಿ: ಎಐ133 ಬಗ್ಗೆಯಿರುವ ಗಂಭೀರ ನಿಯಮ ಉಲ್ಲಂಘನೆಯ ಹಿನ್ನೆಲೆ, ವಿಮಾನ ಸಿಬ್ಬಂದಿಯ ವೇಳಾಪಟ್ಟಿ ಹಾಗೂ ಹಾರಾಟದ ನಿಯಮ ಪಾಲನೆ ಕುರಿತವಾಗಿ ಮೂರು ಹಿರಿಯ ಅಧಿಕಾರಿಗಳನ್ನು ಕೆಲಸದಿಂದ ತಕ್ಷಣವೇ ತೆಗೆದು ಹಾಕಲು ಏರ್ ಇಂಡಿಯಾಗೆ ನಾಗರಿಕ ವಿಮಾನಯಾನ ನಿಯಂತ್ರಕ ಸಂಸ್ಥೆ (DGCA) ಆದೇಶ ನೀಡಿದೆ.
ಮೇ 16 ಮತ್ತು 17 ರಂದು ಬೆಂಗಳೂರಿನಿಂದ ಲಂಡನ್ ಹೀಥ್ರೂಗೆ ಹಾರಿದ ಎರಡು ವಿಮಾನಗಳಲ್ಲಿ ಗರಿಷ್ಠ ಕರ್ತವ್ಯ ಸಮಯದ ಮಿತಿಯನ್ನು ಮೀರಿದ ಕಾರಣದಿಂದಾಗಿ ಈ ಕ್ರಮ ಕೈಗೊಳ್ಳಲಾಗಿದೆ. ಅಧಿಕಾರಿಗಳ ವಿರುದ್ಧ ಆಂತರಿಕ ತನಿಖೆ ನಡೆಸಿ, 7 ದಿನಗಳಲ್ಲಿ ಶೋಕಾಸ್ ನೋಟಿಸ್ಗೆ ಉತ್ತರ ನೀಡಬೇಕೆಂದು ಸೂಚಿಸಲಾಗಿದೆ.
ಐಒಸಿಸಿ ಲೆಕ್ಕಪರಿಶೋಧನೆಯ ಬಳಿಕ ಡಿಜಿಸಿಎ ಈ ಕ್ರಮ ಕೈಗೊಂಡಿದ್ದು, ನಿಯಮ ಪಾಲನೆ ವಿಫಲವಾದರೆ ಸಂಸ್ಥೆ ತೀವ್ರ ಪರಿಣಾಮಗಳಿಗೆ ಒಳಗಾಗಬಹುದು ಎಂದು ಎಚ್ಚರಿಸಿದೆ.
