ಬೆಂಗಳೂರು: ನನಗೆ ವಿದೇಶದಿಂದ ಯಾವುದೇ ಫಂಡ್ ಬಂದಿಲ್ಲ ಎಂಬುದಾಗಿ ತನ್ನ ಖಾತೆಯನ್ನು ತೋರಿಸುವ ಮೂಲಕ, ಹೊಸ ವೀಡಿಯೋವನ್ನು ಯೂಟ್ಯೂಬರ್ ಸಮೀರ್.ಎಂ.ಡಿ ಬಿಡುಗಡೆ ಮಾಡಿದ್ದಾರೆ.
ಯೂಟ್ಯೂಬರ್ ಸಮೀರ್ ಎಂ.ಡಿ ಇದೀಗ ಇನ್ಸ್ ಟಾಗ್ರಾಮ್ ನಲ್ಲಿ ಹೊಸ ವೀಡೀಯೋ ಬಿಡುಗಡೆ ಮಾಡಿದ್ದಾರೆ. ಅದರಲ್ಲಿ ನನಗೆ ವಿದೇಶದಿಂದ ಯಾವುದೇ ಫಂಡ್ ಬಂದಿಲ್ಲ. ಬ್ಯಾಂಕ್ ದಾಖಲೆ ತೋರಿಸಿ ವೀಡಿಯೋವನ್ನು ಬಿಡುಗಡೆ ಮಾಡಿದ್ದಾರೆ.
ಎಸ್ಐಟಿ ವಿಚಾರಣೆ ಬಳಿಕ ಸಮೀರ್ ಮೊದಲ ಮಾತು ಇದಾಗಿದೆ. ವೀಡಿಯೋದಲ್ಲಿ ನನಗೆ ಇಸ್ಲಾಂ ದೇಶಗಳಿಂದ, ಟೆರರಿಸ್ಟ್ ನಿಂದ ಕೋಟ್ಯಂತರ ಹಣ ಬಂದಿದೆ ಎಂಬುದಾಗಿ ಆರೋಪಿಸಲಾಗಿದೆ. ಆದರೇ ನಾನು ಮುಸ್ಲೀಂ ಆಗಿರುವ ಕಾರಣ ಈ ರೀತಿಯ ಆರೋಪ ಮಾಡಲಾಗುತ್ತಿದೆ. ಆದರೇ ನನ್ನ ಬ್ಯಾಂಕ್ ಖಾತೆಗೆ ಆ ರೀತಿಯ ಯಾವುದೇ ಹಣ ಬಂದಿಲ್ಲ ಎಂಬುದಾಗಿ ಸ್ಪಷ್ಟ ಪಡಿಸಿದ್ದಾರೆ.
ನಾನು ಸೌಜನ್ಯ ಪರವಾಗಿ ನಿಂತಾಗಿನಿಂದ ಇಂತಹ ಆರೋಪಗಳನ್ನು ಎದುರಿಸುತ್ತಿದ್ದೇನೆ. ಒಂದು ಸಾವಿಗೆ ನ್ಯಾಯ ಕೊಡಿಸೋದಕ್ಕೆ ನಿಂತ ನಾನು ಇಷ್ಟು ಕೀಳು ಮಟ್ಟಕ್ಕೆ ಇಳಿಯುವುದಿಲ್ಲ. ನನ್ನ ಬ್ಯಾಂಕ್ ಖಾತೆಯ ಎಲ್ಲಾ ವಿವರವನ್ನು ಪೊಲೀಸರಿಗೆ ನೀಡಿದ್ದೇನೆ. ನನ್ನ ಎಲ್ಲಾ ದಾಖಲೆಗಳು ಪೊಲೀಸರ ಬಳಿಯಲ್ಲಿದ್ದಾವೆ. ಒಂದು ವೇಳೆ ವಿದೇಶದಿಂದ ಹಣ ಬಂದಿದ್ದರೇ ಇಷ್ಟರ ವೇಳೆಗೆ ಹೊರಗೆ ಬರ್ತಾ ಇರಲಿಲ್ಲವೇ ಎಂಬುದಾಗಿ ಪ್ರಶ್ನಿಸಿದ್ದಾರೆ.
ಪೊಲೀಸರ ಬಳಿಯಲ್ಲಿ ನನ್ನ ಆಧಾರ್ ಕಾರ್ಡ್ ನಿಂದ ಹಿಡಿದು, ಡ್ರೈವಿಂಗ್ ಲೈಸೆನ್ಸ್, ಫ್ಯಾನ್ ಕಾರ್ಡ್, ನಾನು ಓದಿರುವಂತ ಸ್ಕೂಲ್ ಡೀಟೆಲ್ಸ್, ನನ್ನ ಹತ್ತಿರ ಇರುವಂತ ಕಾರ್ ಆರ್ ಸಿ ಕಾರ್ಡ್, ಬೈಕ್ ಆರ್ ಸಿ ಕಾರ್ಡ್, ಮನೆಯ ಲೀಸ್ ಅಗ್ರಿಮೆಂಟ್ ಪ್ರತಿಯೊಂದು ಕೊಟ್ಟಿದ್ದೇನೆ ಎಂದರು.
ನೋಡಿ ಬೇಕಿದ್ದರೇ ನನ್ನ ಬಳಿಯಲ್ಲಿ ಎರಡು ಬ್ಯಾಂಕ್ ಅಕೌಂಟ್ ಗಳಿದ್ದಾವೆ. ಆ ಬ್ಯಾಂಕ್ ಖಾತೆಯ ಹಣ ವರ್ಗಾವಣೆಯ ಸಂಪೂರ್ಣ ದಾಖಲೆಗಳನ್ನು ಸಂಬಂಧ ಪಟ್ಟಂತ ಪೊಲೀಸ್ ಅಧಿಕಾರಿಗಳಿಗೆ ನೀಡಿದ್ದೇನೆ. ನಾನು ಸೈಡ್ ಬ್ಯುಸಿನೆಸ್ ಆಗಿ ಯೂಟ್ಯೂಬರ್ ಆಗಿ ಆಡ್ ಪ್ರಮೋಷನ್, ಬ್ರಾಂಡ್ ಪ್ರಮೋಷನ್ ಗಳನ್ನು ಮಾಡಿದ್ದೇನೆ ಎಂದಿದ್ದಾರೆ.
ನನ್ನ ವೀಡಿಯೋ ಸುಳ್ಳು ಎನ್ನುತ್ತಿದ್ದಾರಲ್ಲ. ಹಾಗಿದ್ದರೇ 20 ವರ್ಷಗಳ ಹಿಂದೆ ಗೌರಿ ಲಂಕೇಶ್ ಮಾಡಿರುವಂತ ಈ ವರದಿ ಸುಳ್ಳಾ? ಪೊಲೀಸರ ಯುಡಿಆರ್ ರಿಪೋರ್ಟ್ ನಲ್ಲಿ ಲಾಡ್ಜ್ ನಲ್ಲಿ ಅನಾಥ ಶವಗಳು ಸಿಕ್ಕಿರುವಂತ ಮಾಹಿತಿ ಇದೆ. ಲಾಡ್ಜ್ ನಲ್ಲಿ ರೂಮ್ ಕೊಡಬೇಕಾದರೇ ಒಂದು ವಿಳಾಸದ ದಾಖಲೆ ನೀಡಬೇಕು. ಹಾಗೆ ನೀಡದಿದ್ದರೇ ರೂಂ ಕೊಡೋದಿಲ್ಲ. ಹಾಗಾದ್ರೇ ಆ ದಾಖಲೆಯಿದ್ದರೂ ಅನಾಥ ಶವ ಹೇಗೆ ಆಗುತ್ತದೆ. ನನ್ನ ವರದಿ ಸುಳ್ಳಾದರೇ, ಪೊಲೀಸರ ಯುಡಿಆರ್ ರಿಪೋರ್ಟ್ ಸುಳ್ಳ ಎಂದು ಪ್ರಶ್ನಿಸಿದ್ದಾರೆ.
