ಟೆಲ್ ಅವೀವ್ : ಇಸ್ರೇಲ್-ಇರಾನ್ ಮಧ್ಯೆ ಸಂಘರ್ಷ ಜೋರಾಗಿದ್ದು, ಇಸ್ರೇಲಿ F-35I ಜೆಟ್ ಇರಾನಿನ YAK-130 ಫೈಟರ್ ಜೆಟ್ ಅನ್ನು ಹೊಡೆದುರುಳಿಸಿತು ಎಂದು ಐಡಿಎಫ್ ಘೋಷಿಸಿದೆ.ರಷ್ಯಾ ನಿರ್ಮಿತ YAK-130 ಫೈಟರ್ ಜೆಟ್ ಉತ್ಪಾದನೆಯನ್ನು 1990 ರ ದಶಕದಲ್ಲಿ ಆರಂಭಿಸಲಾಯಿತು. ಇದನ್ನು ಸಾಮಾನ್ಯವಾಗಿ ಹೆಚ್ಚು ಮುಂದುವರಿದ ರಷ್ಯಾದ SU-57 ಮತ್ತು ಅಂತಹ ಇತರ ವಿಮಾನಗಳ ಪೈಲಟ್ಗಳಿಗೆ ಸುಧಾರಿತ ತರಬೇತಿ ವಿಮಾನವಾಗಿ ಬಳಸಲಾಗುತ್ತದೆ. ಆದರೆ, ಇದನ್ನು ದಾಳಿ ವಿಮಾನವಾಗಿಯೂ ಬಳಸಬಹುದು.
ಇರಾನ್ ಯುದ್ಧ ವಿಮಾನಗಳು ಹಾರಾಟ ನಡೆಸಿದ ಕೆಲವೇ ಕ್ಷಣಗಳ ಮೊದಲು ಐಡಿಎಫ್ ಬಾಂಬ್ ದಾಳಿ ನಡೆಸಿತ್ತು. ಐಡಿಎಫ್ ದಾಳಿ ಮಾಡಿದಾಗ ಎರಡು ಫೈಟರ್ ಜೆಟ್ಗಳು, ಒಂದು ಎಫ್4 ಮತ್ತು ಒಂದು ಎಫ್5, ರನ್ವೇಯಲ್ಲಿ ಹೊರಟು ಟೇಕ್ ಆಫ್ ಆಗಲು ತಯಾರಿ ನಡೆಸುತ್ತಿದ್ದವು.
F4 ಮತ್ತು F5 ಯುದ್ಧವಿಮಾನಗಳನ್ನು ಒಳಗೊಂಡಂತೆ ಇರಾನಿನ ವಾಯುಪಡೆಯು ಹೆಚ್ಚಾಗಿ ಹಳೆಯದಾಗಿದ್ದು, ಇಸ್ರೇಲ್ನ F-15, F-16 ಮತ್ತು F-35 ಗಳಿಗೆ ಸರಿಸಮನಾಗಿಲ್ಲ. ಆದರೆ, YAK-130 ಇತರ ಕೆಲವು ವಿಮಾನಗಳಿಗಿಂತ ಹೆಚ್ಚು ಮುಂದುವರಿದಿದೆ.
