Saturday, November 29, 2025
Google search engine

Homeರಾಜ್ಯಸುದ್ದಿಜಾಲಶಬರಿಮಲೆಗೆ ತೆರಳಿ ವಾಪಸ್ ಆಗುವಾಗ ಬಸ್ ಉರುಳಿ ಓರ್ವ ಸಾವು

ಶಬರಿಮಲೆಗೆ ತೆರಳಿ ವಾಪಸ್ ಆಗುವಾಗ ಬಸ್ ಉರುಳಿ ಓರ್ವ ಸಾವು

ವರದಿ ವಿನಯ್ ದೊಡ್ಡಕೊಪ್ಪಲು

ಕೆ.ಆರ್.ನಗರ  : ಶಬರಿಮಲೆಗೆ ತೆರಳಿ ವಾಪಸ್ ಆಗುವಾಗ ಬಸ್ ಉರುಳಿ ಬಿದ್ದು ಬಸ್ ನಲ್ಲಿದ್ದ ಓರ್ವ ಮೃತಪಟ್ಟ ಘಟನೆ ಕೇರಳದ ಕಾಸರಗೋಡು ಸಮೀಪದ ಕಟ್ಟಮ್ಕಮಲ-ಪರಂಬ ಬಳಿ ನಡೆದಿದ್ದು, ಸುಮಾರು 30 ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.

ಸಾಲಿಗ್ರಾಮ ತಾಲೂಕಿನ ಚಿಕ್ಕಕೊಪ್ಪಲು – ದೊಡ್ಡಕೊಪ್ಪಲು ಗ್ರಾಮದಿಂದ ಶಬರಿ ಮಲೆ ಯಾತ್ರೆಗೆ ನ.27 ಗುರುವಾರ ತೆರಳಿದ್ದ ಸುಮಾರು 50 ಕ್ಕೂ ಹೆಚ್ಚು ಮಂದಿ ಬಸ್ ನಲ್ಲಿ ತೆರಳಿ ಗ್ರಾಮಕ್ಕೆ ವಾಪಸ್ ಅಗುವಾಗ ಮಧ್ಯಾಹ್ನ ಮೂರು ಗಂಟೆಯ ಸಮಯದಲ್ಲಿ ಈ ದುರ್ಘಟನೆ ಘಟನೆ ನಡೆದಿದೆ. ಈ ಘಟನೆಯಲ್ಲಿ  ಬಸ್ ನಲ್ಲಿದ್ದ ಅರಕಲಗೂಡು ತಾಲೂಕಿನ ಮೂಲೆ ಹೊಸಳ್ಳಿ ಗ್ರಾಮದ ಹರೀಶ್ (36) ಎಂಬುವರಿಗೆ ಗಂಭೀರ ಗಾಯವಾಗಿ ಹೆಚ್ಚಿನ ಚಿಕಿತ್ಸೆಗಾಗಿ ಆಸ್ವತ್ರೆಗೆ ಸೇರಿಸಿದಾದರೂ ಚಿಕಿತ್ಸೆ ಫಲಕಾರಿಯಾಗಿದೇ ಮೃತಪಟ್ಟಿದ್ದಾರೆ. ಮೃತರಿಗೆ ಪತ್ನಿ ಮತ್ತು ಓರ್ವ ಪುತ್ರಿ ಇದ್ದಾರೆ.

ಘಟನೆಯಲ್ಲಿ ಇಬ್ಬರು ಮಕ್ಕಳು ಸೇರಿದಂತೆ 30ಕ್ಕೂ ಅಧಿಕ ಮಂದಿಗ ಗಂಬೀರವಾಗಿ ಗಾಯಗೊಂಡಿದ್ದಾರೆ ಎಂದು ಸ್ಥಳದಲ್ಲಿದ್ದ ದೊಡ್ಡಕೊಪ್ಪಲು ನಿತೀನ್ ಲವಣ್ಣ ಮತ್ತು ಚಿಕ್ಕಕೊಪ್ಪಲು ಸಿ.ಎಂ.ಗಗನ್ ಅವರು ಪತ್ರಿಕೆಗೆ ಮಾಹಿತಿ ನೀಡಿದರು.

ಈ ವೇಳೆ ಹುಣಸೂರಿನ ಮೂಲದ  ಸುಹೇಲ್ ಪಾಷ ಎಂಬುವರಿಗೆ ಗರುಡ ಎಂಬ ಹೆಸರಿನ ಕೆ.ಎ.12-ಸಿ.6956 ಸಂಖ್ಯೆಯ ಬಸ್ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯಿಂದ ಸುಮಾರು‌ 30 ಅಡಿ ಹಳ್ಳಕ್ಕೆ ಉರುಳಿ ಬಿದ್ದಿದ್ದು ತಕ್ಷಣವೇ ಅಲ್ಲಿನ ಗ್ರಾಮಸ್ಥರು ಗಾಯಾಳುಗಳನ್ನು ಬಸ್ ನಿಂದ ಇಳಿಸಿ ಅಂಬುಲೈನ್ಸ್ ಮೂಲಕ ಸ್ಥಳೀಯ ಆಸ್ವತ್ರೆಗಳಿಗೆ ದಾಖಲಿಸಲು ನೆರವಾಗಿದ್ದಾರೆ. ಈ ಸಂಬಂಧ ಚಿತ್ತಾರಿಕ್ಕಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಗ್ರಾಮದಲ್ಲಿ ಮುಗಿಲು ಮುಟ್ಟಿದ ಆಕ್ರಂದನ -ಆತಂಕ :

ಶಬರಿ ಮಲೆಗೆ ತೆರಳಿ ವಾಪಸ್ ಅಗುವಾಗ ಬಸ್ ಉರುಳಿ ಓರ್ವನ ಸಾವು ಮತ್ತು ಮೂವತ್ತಕ್ಕೂ ಹೆಚ್ಚು ಮಂದಿಗೆ ಗಾಯವಾಗಿರುವ ಸುದ್ದಿ ತಿಳಿದು ಮೃತನ ಪತ್ನಿ, ಚಿಕ್ಕಕೊಪ್ಪಲು ಗ್ರಾಮದಲ್ಲಿ ಆಕ್ರಂದನ ಮುಗಿಲು ಮುಟ್ಟಿದ್ದು, ಇತ್ತ ಯಾರಿಗೆ ಗಾಯಗಳಾಗಿವೆ, ಗಾಯಾಳುಗಳು ಹೇಗಿದ್ದಾರೆ ಎಂಬ ಸಮರ್ಪಕ ಮಾಹಿತಿ ಇಲ್ಲದೇ ಗ್ರಾಮಸ್ಥರು ಪರದಾಡುವಂತಾಗಿ ಪೋಷಕರಲ್ಲಿ ಆತಂಕ ಮೂಡಿಸಿದೆ.

RELATED ARTICLES
- Advertisment -
Google search engine

Most Popular