ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಆರ್‌ಸಿಬಿ ಸಂಭ್ರಮಾಚರಣೆ ವೇಳೆ ನಡೆದ ಕಾಲ್ತುಳಿತ ದುರಂತದಲ್ಲಿ 11 ಜನರು ಪ್ರಾಣ ಕಳೆದುಕೊಂಡ ಬೆನ್ನಲ್ಲೇ, ಈ ಪ್ರಕರಣದ ಕುರಿತು ವಿಪಕ್ಷಗಳು ರಾಜ್ಯ ಕಾಂಗ್ರೆಸ್ ಸರ್ಕಾರದ ವಿರುದ್ಧ ಹರಿಹಾಯ್ದು ವಾಗ್ದಾಳಿ ನಡೆಸುತ್ತಿರುವುದು ನಿನ್ನೆಯಂತೆ ಮುಂದುವರಿದಿದೆ. ಇದರ ವಿಚಾರವಾಗಿ ಮಾಜಿ ಪರಿಷತ್ ಸದಸ್ಯ ರಮೇಶ್ ಬಾಬು ಕಠಿಣ ಪ್ರತಿಕ್ರಿಯೆ ನೀಡಿದ್ದು, ಬಿಜೆಪಿ ಮತ್ತು ಜೆಡಿಎಸ್ ನಾಯಕರ ಭಕ್ತಿಗೆ ಆಧಾರವಿಲ್ಲದ ರಾಜಕೀಯದ ವಿರುದ್ಧ ತಿರುಗೇಟು ನೀಡಿದ್ದಾರೆ.
“ಬೆಂದ ಮನೆಯಲ್ಲಿ ಹುರಿಯುವ ಕೆಲಸ ಬಿಜೆಪಿ–ಜೆಡಿಎಸ್ ಮಾಡುತ್ತಿದೆ: ಪತ್ರಿಕಾ ಪ್ರಕಟಣೆಯಲ್ಲಿ ಮಾತನಾಡಿದ ರಮೇಶ್ ಬಾಬು, “ಇಂತಹ ದುಃಖದ ಸಮಯದಲ್ಲಿ ರಾಜಕೀಯವಾಗಿ ಲಾಭ ಪಡೆಯಲು ಯತ್ನಿಸುವ ಬಿಜೆಪಿ–ಜೆಡಿಎಸ್ ನಾಯಕರ ವರ್ತನೆ ನಿಂದನೀಯ. ಹೆಚ್.ಡಿ. ಕುಮಾರಸ್ವಾಮಿ ಅವರು 2006ರಲ್ಲಿ ಡಾ. ರಾಜ್‌ಕುಮಾರ್ ಅವರ ಅಂತ್ಯಕ್ರಿಯೆಯಲ್ಲಿ ಸಂಭವಿಸಿದ ಹಿಂಸಾಚಾರಕ್ಕೆ ನೇರ ಹೊಣೆಗಾರರಾಗಿದ್ದರು. ಆಗ 8ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದು, ಕರ್ನಾಟಕದ ರಾಜಕೀಯದಲ್ಲಿ ಅದೊಂದು ಶೋಕಾನ್ವಿತ ಅಧ್ಯಾಯವಾಗಿತ್ತು,” ಎಂದು ಹೇಳಿದರು.
2006ರ ದುರಂತದ ನೆನೆಪು: ಭದ್ರತೆ ವೈಫಲ್ಯ, ನಿರ್ವಹಣಾ ದೋಷಗಳು
ಡಾ. ರಾಜ್‌ಕುಮಾರ್ ಅವರ ಪಾರ್ಥಿವ ಶರೀರದ ಸಾರ್ವಜನಿಕ ದರ್ಶನದ ವೇಳೆಗೆ ಸಂಭವಿಸಿದ ಅಸ್ಥಿರತೆ, ಸರಿಯಾದ ಭದ್ರತಾ ವ್ಯವಸ್ಥೆಯ ಕೊರತೆ, ನೀರಿನ ಕೊರತೆ, ತುರ್ತು ಸೇವೆಗಳ ಕೊರತೆ, ಪೊಲೀಸರ ಲಾಠಿ ಚಾರ್ಜ್ ಮತ್ತು ಗೋಲಿಬಾರ್ ಪರಿಣಾಮವಾಗಿ ಜನರಲ್ಲಿ ಆಕ್ರೋಶ ಉಂಟಾಗಿ, ಹಿಂಸಾಚಾರ ಸ್ಫೋಟಗೊಂಡಿತು.
ಇದೆಲ್ಲವನ್ನೂ ನಿಯಂತ್ರಿಸುವಲ್ಲಿ ಹೆಚ್.ಡಿ. ಕುಮಾರಸ್ವಾಮಿ ನೇತೃತ್ವದ ಸರ್ಕಾರ ಸಂಪೂರ್ಣ ವಿಫಲವಾಯಿತು, ಎಂದು ಅವರು ಆರೋಪಿಸಿದ್ದಾರೆ.
“ಸೂತಕದ ಮನೆಯಲ್ಲಿ ರಾಜಕೀಯ ಮಾಡುವುದು ಯೋಗ್ಯವಲ್ಲ”
ರಮೇಶ್ ಬಾಬು ಅವರ ಮಾತುಗಳು ಇನ್ನಷ್ಟು ತೀಕ್ಷ್ಣವಾಗಿದ್ದು, “ಕಾಲ್ತುಳಿತದಲ್ಲಿ ತಮ್ಮ ಉಸಿರನ್ನೇ ಕಳೆದುಕೊಂಡ ಕುಟುಂಬಗಳುದುಃಖ ಅನುಭವಿಸುತ್ತಿರುವಾಗ, ರಾಜಕೀಯ ಲಾಭದ ಮೇಲೆ ಕಣ್ಣಿಟ್ಟಿರುವವರು ಮಾನವೀಯತೆ ಮತ್ತು ನೈತಿಕತೆಯನ್ನು ಮರೆತಂತಾಗಿದೆ. ಸೂತಕದ ಮನೆಯಲ್ಲಿ ರಾಜಕೀಯ ಮಾಡುವವರನ್ನು ಜನರು ಕ್ಷಮಿಸುವುದಿಲ್ಲ,” ಎಂದು ವಾಗ್ದಾಳಿ ನಡೆಸಿದರು.
ಬಿಜೆಪಿ–ಜೆಡಿಎಸ್ ಆಡಳಿತದ ದುರಂತಗಳ ಪಟ್ಟಿ ಪ್ರಕಟ
ಇದಕ್ಕೆ ಮತ್ತಷ್ಟು ಪುಷ್ಟಿ ನೀಡಲು, ಅವರು ಬಿಜೆಪಿ-ಜೆಡಿಎಸ್ ಆಡಳಿತಾವಧಿಯಲ್ಲಿದ್ದ ಹಲವಾರು ದುರಂತಗಳಾದ ದೂರು ಮತ್ತು ವೈಫಲ್ಯಗಳನ್ನೂ ಪಟ್ಟಿ ಮಾಡಿ “ಇದೀಗ ಆಗಿರುವ ದುರಂತ ನೋವಿನ ಸಂಗತಿಯಾಗಿದ್ದು, ಈಗಿನ ಸರ್ಕಾರ ಕ್ರಮ ತೆಗೆದುಕೊಳ್ಳುತ್ತಿದೆ. ಆದರೆ 2006ರಲ್ಲಿ ನಿಮಗೇನಾದರೂ ಜವಾಬ್ದಾರಿ ಇದ್ದಿತ್ತೇ?” ಎಂಬ ಪ್ರಶ್ನೆ ಎಸೆದಿದ್ದಾರೆ.
