ವರದಿ :ಸ್ಟೀಫನ್ ಜೇಮ್ಸ್.
ಬೆಳಗಾವಿ: ಮಾರ್ಗಶಿರ ಗುರುವಾರ ಮತ್ತು ಮಹಾಲಕ್ಷ್ಮಿ ವ್ರತದ ಅಂಗವಾಗಿ ಇಲ್ಲಿನ ಪಹಿ ವೈಟ್ಸ್ ಫೌಂಡೇಷನ್ ವತಿಯಿಂದ ಬಿಡಾಡಿ ದನಗಳ ಸುರಕ್ಷತೆಗಾಗಿ ಅವುಗಳ ಕೊರಳಲ್ಲಿ ‘ರಿಪ್ಲೆಕ್ಷನ್ ಬೆಲ್ಟ್’ಗಳನ್ನು ಅಳವಡಿಸಲಾಯಿತು.
ಶ್ರೀನಗರ ಮೈದಾನ, ಶ್ರೀನಗರ ಸಾಯಿ ಮಂದಿರದ ಎದುರಿನಲ್ಲಿ ಓಡಾಡುತ್ತಿದ್ದ 20ಕ್ಕೂ ಹೆಚ್ಚು ಬಿಡಾಡಿ ದನಗಳನ್ನು ಹಿಡಿದು ಅವುಗಳ ಕೊರಳಿಗೆ ಪ್ರತಿಫಲನ ಪಟ್ಟಿಗಳನ್ನು ಹಾಕಲಾಯಿತು.
ಈ ಕಾರ್ಯ ನವಜ್ಯೋತ್‌ ಟೆಕ್ನಾಲಜೀಸ್ ಮಾಲೀಕ ಅಮಿತ್ ನಾಯ್ಕ ನೆರವು ನೀಡಿದ್ದಕ್ಕೆ ಫೌಂಡೇಷನ್ ವತಿಯಿಂದ ಅಭಿನಂದನೆ ಸಲ್ಲಿಸಲಾಯಿತು. ಪಹಿ ವೈಬ್ ಫೌಂಡೇಶನ್‌ನ ಸಂಸ್ಥಾಪಕ ನಿರ್ದೇಶಕಿ ರಕ್ಷಾ, ವಕೀಲರಾದ ಭೂವಿಕಾ ಹೊಸಟ್ಟಿ, ಅಮಿತ್ ಕುಡಚಿ, ಎಚ್.ಒ. ಕುಮಾರಸ್ವಾಮಿ, ಶಿವಾನಂದ ಹಿರೇಮಠ, ಕಿರಣ ನರಗುಂದಕರ, ವಿಜಯ ಕಾಣೇರಿ ಹಾಗೂ ಫೌಂಡೇಶನ್‌ನ ಎಲ್ಲ ಸದಸ್ಯರೂ ಪಾಲ್ಗೊಂಡರು.
